बाह्रदर्शी । विद्यार्थीको चौतर्फी क्षमता अभिबृद्वी गर्ने उदेश्यले झापाको बाह्रदर्शी ४ चकचकीमा रहेको कानगोई ईङ्गलिस स्कुलले नियमित कक्षा अन्तर्गत प्राविधिक र उद्घाेषण शिक्षा आजबाट सञ्चालनमा ल्याएको छ ।
विद्यार्थीहरुको कलासँगै सिर्जनात्मक क्षमताको विकासका लागि विद्यालयले अतिरिक्त क्रियाकलाप अन्तर्गत समाज र रोजगारीसंग प्रत्यक्ष प्रभावपार्ने समाजमैत्री शिक्षाको थालनी गरेको विद्यालयका प्रधानाध्यापक विमल राजवंशीले बताउनु भयो ।
विद्यालयसँगै गाउँ समाजमा आयोजित कार्यक्रममा आफ्ना कुरा विद्यार्थीहरुले निर्धक्करुपमा प्रस्तुत गर्न उद्घोषण शिक्षाले मद्वत पुग्ने विद्यालयका अतिरिक्त क्रियाकलापका संयोजक एवं सह–प्रधानाध्यापक सुनिल राजवंशीले बताउनु भयो ।
उहाँले शिक्षालाई प्रविधिमैत्री बनाउन इलेक्ट्रिसियन शिक्षा शुरुवात गरिएको बताउनु भयो ।
विद्यार्थीहरुलाई उद्घोेषणकला, बोल्ने कलामा आत्मविश्वास कसरी बढाउने, औपचारिक र अनौपचारिक कार्यक्रम सञ्चालनका विषयमा शिक्षा प्रदान गरिने प्रशिक्षक एवं मोफसल अनलाइनका प्रधान सम्पादक, सुर्योदय टेलिभिजनका डेक्स सम्पादक एवं पत्रकार भरत प्रसाईले बताउनु भयो ।
तालिमको पहिलो दिन प्रसाईसँगै मोफसल अनलाईनका बिर्तामोड ब्युरो प्रमुख देव बाँस्कोटाले प्रशिक्षण दिनु भएको थियो ।
उक्त प्रशिक्षणमा कक्षा ५ देखि ८ सम्मका ४० जनाभन्दा बढी विद्यार्थीहरुको सहभागिता रहेको थियो ।
विद्यालयले पछिल्लो समय पढाइसँगै अतिरिक्त क्रियाकलापलाई जोड दिदैँ आएको विद्यालयका सह प्राध्यापक राजवंशीको भनाइ छ ।
विद्यालयले नृत्य खेल्कुद र उद्घोषण लगायत दैनिक जिवनमा आवश्यक पर्ने इलेक्ट्रिसियन सम्बन्धि शिक्षा सञ्चालनमा ल्याएको हो ।
भुगोलले दुर्गम स्थानमा भएपनि शहरी क्षेत्रमा रहेको विद्यालय सरह सेवा र शिक्षा दिन गर्न प्रयासरत रहेका राजवंशीद्वयको भुमिका प्रशंसायोग्य रहको छ ।
ठुलो कम्पाउण्ड, पारिवारीक वातावरण रहेको विद्यालयले आउँदा दिनमा विभिन्न जीवन उपयोगी सामाजिक र प्राविधिक शिक्षा थप गर्दै लैजाने विद्यालय प्रशासनले जनाएको छ ।
आजै मात्र विद्यार्थीहरलाई कसरी इलेक्ट्रिसियन बन्न सकिन्छ , यसको महत्व के छ भन्ने सम्बन्धमा अभिभावक सहितको प्रशिक्षण कक्षाको उद्घाट्न गरिएको सह–प्रधानाध्यापक सुनिल राजवंशी बताउनु हुन्छ ।
विद्यालयमा रहेका ४ सय भन्दा बढी विद्यार्थी शिक्षामा कुनै सम्झौता नगर्ने राजवंशीको भनाइ छ ।
