भरत प्रसाई झापा ।आफ्ना मौलिक बाजा लाई संरक्षण गर्ने हेतुले बिर्तामोड ५ स्थित महिला समुहको आयोजनामा जय पाथिभरा नौमती बाजा समुह गठन गरिएको छ ।
भाषा र संस्कृतीको कुनै जात नहुने भएकाले सबै जातीलाई गोलबद्ध गर्दै भाषा संरक्षण नै समुहको प्रमुख उदेश्य रहेको समूहकी उपाध्यक्ष पार्वता भट्टराई बस्नेत जानकारी दिनु भयो ।
उहाँले ५५ बर्ष भन्दा माथी उमेरका महिलाहरु संस्थामा रहको बताउनु भयो । समुहमा हाल २२ जना सदस्य रहेको जानकारी दिनु भयो ।
उहाँले पुरानो संस्कार र बाजालाई जोगाउने उदेश्यले समुहको निर्माण गरिएको बताउदै नेपालको पहिचान बाजा कुनै जाती विशेषले मात्रै बजाउनु पर्छ भन्ने समाजको भ्रम चिर्नका लागि यो अभियानमा जुटेको बताउनु भयो ।
जय पाथिभरा नौमती बाजा समुहले बिर्तामोड ५ स्थित कृषीथोक पुर्व रहेको टिकटक कलेक्शनको पसलको उद्घाट्न कार्यक्रममा नौमती बजाएर ब्यवसायीक बाजा बजाउन शुरु गरका छन् ।
संस्कृतिलाईृ सम्मान गर्ने उदेश्यले महिलामा देखिएको सक्रियता समाजको लागि प्रेरणादायी रहेको बिर्तामोड उद्योग बाणिज्य संघकी सह कोषाध्यक्ष राधिका चुडाल हुमागाईले बताउनु भयो ।
जय पाथिभरा नौमती बाजा समुहले वडाका हरेक कार्यक्रमलाई बाजामैत्री बनाउने अभियानमा जुटेको समुहकी अध्यक्ष देवीमाया प्रसाईले जानकारी दिनु भयो ।
