भरत भाबुक प्रसाई । अर्जुनधारा, रोटर्याक्ट क्लब अफ बिर्तामोड मिडटाउनले बहुप्रतिक्षित उत्सवमा रोटर्याक्ट कार्यक्रम अर्जुनधारा धाममा भव्यता पूर्वक सम्पन्न गरेको छ ।
कार्यक्रममा पूर्वी नेपालको ऐतिहासिक एवं चर्चित धार्मिक स्थल अर्जुनधारा धामको भ्रमण गर्ने तीर्थयात्रीहरूको सेवा गर्न समर्पित थियो ।
दर्शनार्थीहरूलाई चिया, कफी र चिसो पानी वितरण गरिएको थियो ।
श्रावण महिनाको अन्तिम सोमबार भएकाले लाभग्राहीको संख्या १० हजारभन्दा बढी रहेको अर्जुनधारा धाम विकास समितिले जनाएको छ ।
विहान ४ बजेकाट दिउँसोको २ः३० बजेसम्म रोटरी क्लब अफ बिर्तामोड मिडटाउन र इन्टरेक्ट क्लब अफ देवभूमिका सदस्यहरुले दर्शनार्थीहरूलाई चिया, कफी र चिसो पानी वितरण गरेका थिए ।
रोटरी क्लवका १७ सदस्यले ३ फरक समय तालिका विभाजन गरि आउने भक्तजनहरुलाई प्रचण्ड गर्मीमा सर्वत र पानी पिलाई पुण्यको काम गरेका थिए ।
अर्जुनधारा धाम समितिले रोटरी क्लवले भक्तजनलाई पु¥याएको सेवाको कदर गर्दै प्रशंसा पत्रले सम्मान गरेको छ ।
अर्जुनधारा मन्दिर समितिका अध्यक्ष नवीन गट्टानिले मन्दिर व्यवस्थापनमा विशेष सहयोग गर्दै महाशिव मेलामा अर्जुनधारा धामको सहयोगी भएकोमा रोटर्याक्ट क्लब अफ बिर्तामोड मिडटाउन लाई धन्यावाद दिनुभएको छ ।
कार्यक्रमको व्यवस्थापन तथा सहजीकरण आरटीआर पियुष खेतान र पूजा गोल्ड चियाले गरेको थियो ।
रोटर्याक्ट क्लब अफ बिर्तामोड मिडटाउनफले चिया, कफी र चिसो पानी निःशुल्क वितरण गर्दै कयौ भत्तजनको मन जित्न सफल भएको छ ।
