भरत प्रसाई, बिर्तामोड । झापाको बिर्तामोड १ मा रहेको श्री जंगा टोलमा हिजो शनिवार बेलुकी ७ बजे स्थानिय लाई जानकारी नै नगराई बिर्तामोड नगरपालिकाले सडकमा डम्पिङ गरेका भन्दै स्थानियबासी आन्दालित बनेका छन् ।
बिर्तामोड नगरपालिकाले हिजो एक स्थानीयबासी लाई सहमत गराइ उनकै घर अगाडी ४ ट्याक्टर फोहोर बाटोको दाँया बाँया फ्याकेको थियो ।
सडकमा संवेदनशिल स्वास्थ्यलाई प्रभाव पार्ने फाहोर यसरी डम्पिङ गरिनाले धातक रोग लाग्न सक्ने सम्भावा रहेको स्थानियको भनाइ छ ।
टोल विकास समिति भित्र रहेका ६५ घर लाई कुनै जानकारी नै नगराई रातीको समयमा फालिएको फाहोर हटाउन आग्रह गरेका छन् ।
विर्तामोड नगरपालिका वडा नम्वर १ का वडा अध्यक्ष एवं विर्तामोड नगरपालिका प्रवत्ता अग्नि पाण्डेले फोहोर व्यवस्थापन गरी बाटोलाई फराकिलो बनाउन लागेको उहाँले बताउनु भयो ।
उहाँले फाहोर लाई सहितरीकाले ५ फिट तल गाडी व्यवस्थापन गरिएको बताउनु भयो । स्थानियको विरोध आएपछि वडाका प्रतिनिधि र स्थानिय बिच बाँकी रहेको फोहोर डम्पिङ गर्न अन्तै लैजाने कुरा भएपछि छलफल सम्मे भएको थियो ।
श्री जंगा टोल विकास समितिका अध्यक्ष झलक सिंह राजवंशीले वडाको कदम गलत भएको भन्दै डम्पिङ गरिएको फाहोर हटाएर स्थानिय सरकार जनताको लागि हो भन्ने आभास दिलाउन वडालाई आग्रह गर्नु भयो ।
