बिर्तामोड । भरत भाबुक प्रसाई, झापाको बिर्तामोड १ मा रहेको मनकामना स्कुलले विद्यार्थीलाई मतदान शिक्षा प्रदान गर्ने उदेश्यले नमुना मतदानद्वारा क्यापटेन चयन गरेको छ ।
नागरिकलाई मतदानको महत्व कत्ति हुन्छ भन्ने कुराको शिक्षा प्रदान गर्ने उदेश्यले प्रयोगात्मक मतदानको आयोजना गरिएको निर्वाचन आयुक्त माधव पौड्यलले बताउनु भयो ।
आज भएको निर्वाचनबाट निलेन्थ मगरले ५६ मत प्राप्त परि ब्लु हाउस बाट क्यापटेनमा, ४४ मत हासिल गरि मोहम्मद अमिर एल्लोबाट ,४६ मत प्राप्त गरी मनिस गणेश ग्रीन हाउबाट र ५५ मत प्राप्त गरी योजन ढुङगाना रेड हाउस बाट क्यापटेनमा निर्वाचित भएका हुन् ।
कुल ३ सय ४४ मत खसेकोमा ४ मत बदर भएको थियो ।
कक्षा ४ देखी १० सम्मका विद्यार्थीहरु उल्लासका साथ आफ्नो लिडर छान्न चुनावमा होमिएका विद्यालयका प्रधानाध्यापक केशव ढुङगामाले बताउनु भयो ।
नेतुत्व चयनका लागी अभ्यास हुने भएकाले प्रत्येक वर्ष क्यापटेनको छनोट विद्यार्थीको रोजाईबाट गरिएको उहाँको भनाइ छ ।
उहाँले सदनको नेतृत्व मतदानबाट छान्नु पर्छ भन्ने अवधारणा अनुरुप विद्यार्थी सिकाईको रुपमा यो मतदान गरिएको बताउनु भयो ।
उहाँले गएको ९ वर्षबाट यो अभियानलाई निरन्तरता दिईदै आएको बताउनु भयो ।
त्यस्तै मतदान बिचबाट ६० मत प्राप्त गरी प्राप्ति लिम्बु, ५५ मत ल्याई प्रजिता गिरी, ५५ मत ल्याई सुजन खरेल र ४४ मत ल्याई युनिसा उप्रेती भाइस क्यापटेनमा निर्वाचित भएका छन् ।
विषयको परियोजना अन्तर्गत विद्यार्थीहरुलाई चुनावी प्रक्रियामा सहभागी गराइएको प्रअ. ढुङगाना बताउनु हुन्छ ।
विद्यार्थीहरुलाई पढाईका साथै व्यवहारिक रुपमा संसदीय चुनावको अभ्यास गराउँदा भोलीका दिनमा महत्वपूर्ण जिम्मेवारी नेतृत्व चयनमा विद्यार्थी नअल्मलिने भएकाले निर्वाचनबाट स्कुलका क्यापटेन छनोट गरिएको निर्वाचन आयुक्त पौडेलले बताउनु भयो ।
मनकामना विद्यालयले विद्यार्थी मैत्री शिक्षाका लागी कुनै सम्झौता नगर्ने विद्यालयका प्रधानाध्यापक ढुङगानाले दाबी गर्नु भयाे। मतदान परिवेक्षका रुपमा शिक्षक, सञ्चारकर्मी लगायतको उपस्थिती रहेको थियो ।
