बिर्तामोड । भरत भाबुक प्रसाई झापाको बिर्तामोडमा रहेको वि एण्ड सीले हेड तथा स्पाइनल इन्जुरी भएका संवेदनशिल बिरामीका लागी १ लाख सम्मको स्वास्थ्य बिमा सञ्चालनमा ल्याएको छ ।
विपन्न नागरिक औषधी कोष कार्यक्रम अन्र्तगत स्वास्थ्य कार्यलयको सहयोगमा आजबाट यो सेवा सञ्चालनमा आएको विएण्ड सीका जनसम्पर्क प्रमुख प्रमिश गिरीले जानकारी दिनु भयो ।
उहाँले पूर्वमा हेड तथा स्पाइनल इन्जुरीमा सरकारबाट सुचिकृत
हुने संस्था वि एण्ड सी बन्न सफल भएको बताउनु भयो ।उहाँले दुर्घटनाजन्य
इन्जुरीलाई मात्रै कार्यक्रमले समेट्ने बताउनु भयो ।
न्यरो डक्टर करुणा ताम्राकारले नेपाल सरकारले विपन्न नागरिकलाई हेड तथा स्पाइनल इन्जुरीका निम्ति स्वास्थ्य बिमा दिएको बताउदै कुनै पनि टाउको र स्पाइनको चोटबाट ग्रसित नेपाली नागरिकले यो सेवा लिन सक्ने बताउनु भयो .
उहाँले सामान्य हेड इन्जुरी देखि सिनिय हेड इन्जुरी सम्मको उपचार गरिने बताउनु भयो ।
त्यस्तै अर्का न्यरो डाक्टर निराजन पराजुलीले स्पाइनल अपरेशनपछी
हालिने रड र स्क्रुका लागी यो योजना बिमा भित्र
नपर्ने बताउनु भयो ।
पत्रकारहरुको प्रश्नको जवाफ दिदै जनसम्पर्क अधिकारी गिरीले चाडै रोकिएको बिमा सेवा सञ्चालनमा आउने बताउनु भयो ।
