भरत भाबुक प्रसाई । बिर्तामोड, आर्थिक संकटको कारणले देखिएको चुनौतीलाई सामूहिक समाधान गर्ने उदेश्यले युवा व्यवसायी सुसन पराजुलीको अध्यक्षतामा युवा व्यवसायी समाज झापा गठन भएको छ ।
कोभिड पछिको आर्थिक मन्दीका कारण व्यवसायबाट पलायन हुने स्थितीको पहिचान गरी व्यवसायीहरुलाई रोक्ने प्रयास स्वरुप यो संस्थाको जन्म भएको संस्थाका महासचिव हरिप्रसाद आर्चायले जानकारी दिनु भयो ।
समूहको बैशाक २४ गते सोमबारका दिन बसेको भेलाले अबको नगर बजेट व्यवसायमैत्री हुनु पर्नेमा जोड दिदै , व्यवसायी करमा पुन मुल्याङकन गर्न आग्रह गरिएको छ ।
बिर्तामोड नगरपालिका भित्र सञ्चालित मझौला तथा साना उद्योगहरुलाई करको दायरामा ल्याउन नगरपालिका समक्ष आग्रह गरिएको छ ।
आज बिर्तामोड नगरपालिकाकी नगर प्रमुख पवित्रामहतारा प्रसाई समक्ष ज्ञापन पत्र बुझाउदै संस्थाका महासचिव हरिप्रसाद आर्चायले नगरपालिका व्यवसायीको हितमा सधै लागेको बताउदै करको दायरमा व्यवसायीहरुलाई ल्याउन आफुहरुको सहयोग रहने बताउनु भयो ।
संस्थाले बजार क्षेत्रलाई व्यवस्थित बनाउन बन्द हडतालरहित बजार, पार्किङको उचित ब्यवस्थापन साथै सि सी जडानमा पनि विशेष ध्यान दिनु पर्ने बिर्तामोड नगरपालिलाइ सुझाएको थियो ।
बिर्तामोड ५ मा केन्द्रिय कार्यलय रहको संस्थाले ६ बुदे ध्यानार्कषण पत्र बुझाएको हाे । ध्यानार्कषण पत्रमा पूँजीका आधारमा र मुनाफाका आधारमा व्यवसायी कर लगाउनु पर्ने डाटा तथ्याङक समेत प्रस्तुत गरिएको छ ।
