भरत भाबुक प्रसाई । झापाको बिर्तामोड ५ मा रहेको न्युटन्स एजुकेशन फाउण्डेशनले सिकाइ अभिमुखीकरण कार्यक्रम सम्पन्न गरेको छ । कक्षा ११ मा भर्ना भएमा १ सय ६० विद्यार्थीलाई स्वागत गर्दै विद्यार्थीलाई सिकाइ र पढाइमा कसरी रुची कसरी बढाउन सकिन्छ भन्ने सम्बन्धमा विभिन्न वक्ताहरुले आफ्नो धारणा राखेका थिए ।
न्युटन्स एजुकेशन फाउण्डेशनले गएको एसइइमा निजी विद्यालय अन्र्तगत उत्कृष्ट जिपीए हासिल गर्न सफल भएको थियो ।
न्युटन्स एजुकेशन फाउण्डेशनले विद्यार्थी मैत्री सिकाइमा जोड दिएकाले अभिभावकको विश्वासको प्रतिक बन्न पुगेको विद्यालयका प्रधानाध्यापक देवेन्द्र हुमागाँइले बताउनु भयो ।
उहाँले शिक्षामा कुनै किसिमको सम्झौता गर्नु नहुने बताउनु भयो ।
विद्यालय व्यवस्थापन समितिकी अध्यक्ष एवं संस्थापिका धर्मा पराजुली प्रसाईले आफ्नो श्रीमानको गुणस्तर शिक्षाको सपना साकार भएको बताउदै फाउण्डेशन निरन्तर प्रविधिमैत्री शिक्षाको पक्षमा लागिरहने विश्वास दिलाउनु भयो ।
विद्यार्थी रुवी पाठकले राष्ट्रियगितले स्वागत गरिएको कार्यक्रममा विद्यालयका प्रबन्ध निर्देशक आशिष प्रसाई र पल्स टु कोअडिनेटर केवल सापकोटाले सिकाइका प्रक्रिया शिक्षाको महत्व र प्रयोग गर्ने अवधारणका विषयमा प्रकाश पार्नु भएको थियो ।
कार्यक्रम सञ्चालन विद्यालयकी शिक्षिका पवित्रा पौडयलले गर्नु भएको थियो ।
