शिवसताक्षी । भरत भाबुक प्रसाई, अन्तराष्ट्रिय नारी दिवसको अवसरमा संयुक्त महिला नेपालले मनोक्रान्ति नेपालकी अभियन्ता धार्मिक कथाबाचक तथा सञ्चारकर्मी वृन्दादेवी वराललाई ११ हजार १ सय ११ रुपैयाले सम्मान गरेको छ ।
शिवसताक्षी १० माइधारमा अवस्थित सरस्वती कन्या गुरुकुलकी प्राचार्य बराल २ पटक भु– तपस्या, १ पटक जलतपस्या , २१ दिने जल उपवास, ६ महिना सम्म कुण्डलेनी साधना, मौन ब्रत बस्दै धर्म जागरणमा लाग्नु भएको भन्दै संयुक्त महिला नेपालले उहाँ लाई सम्मान गरेको संस्थाकी केन्द्रिय अध्यक्ष शीखा खड्का गणेशले बताउनु भयो ।
महिला शिक्षित भए परिवार हुदै समाज नै शिक्षित हुने भएकाले समाज परिर्वनमा महिलाको सहभागिता आवश्यक रहेको उहाँले बताउनु भयो ।
विगत लामो समयदेखी महिला हिंसा र नारी शक्तिकरणमा विभिन्न माध्यमबाट जोडिनु भएकी खड्काले महिलाहरुको सशक्तिकरणमा पुरुषहरुको भुमिका पनि अत्यन्तै आवश्यक रहेको बताउनु भयो ।
महिलाहरुलाई धार्मिक जेतनाको माध्यमबाट दिक्षित गराउदै सामाजिक क्षेत्रमा अतुलनिय योगदान पु¥याउने दिब्य पथ महिला सरोकार समाजकी संस्थापक अध्यक्ष समेत रहनुभएकी धार्मिक व्यक्तित्व वराललाई सम्मान गर्न पाउदा संस्था गौरवान्वित भएको संस्थाकी बाह्रदशी शाखा संयोजक अरुणा राजवशीले बताउनु भयो ।
२०८० सालमा स्थापना भएको संस्थाले बालबालिका , महिला र आवाजविहीनहरुको आवाज बन्दै आएको छ ।
बिर्तामाड २ बाट शुरु भएको अभियानले पूर्व मेचीलाई महाकालीसंग जोड्न सफल हुनेमा विश्वस्त रहेको समुहकी अध्यक्ष खड्का बताउनु भयो ।
संस्थाकी हल्दीवारी शाखा संयोजक शान्ता शिवाकोटीले स्वागत गरेको लाई केन्द्रिय सचिव अनिता रेग्मीले सञ्चालन गर्नु भएको थियो ।
