भरत भाबुक प्रसाइ । बिर्तामोड नगरपालिका स्वास्थ्य शाखाको आयोजनामा विश्व क्षयरोग दिवस एक कार्यक्रमका बिच मनाइएको छ ।
बिर्तामोड स्थित दुर्गा मन्दिर परिसरमा आयोजना गरिएको कार्यक्रमलाई बिर्तामोड नगरपालिकाका उप–प्रमुख नगेन्द्रप्रसाद संग्रौलाले ब्यानर पढेर उद्घाट्न गर्नु भएको हो
। बिर्तामोडको मुक्ति चोकबाट शुरु भएको प्रभातफेरीले नगर परिक्रमा गर्दै क्यु एफएक्स सिने हलअगाडी कोण सभामा परिणत भएको थियो ।
कार्यक्रमका प्रमुख अतिथी समेत रहनु भएका झापा जिल्ला स्वास्थ्य कार्यलय प्रमुख रमेश बाराकोटीले आजको दिनलाई क्षयरोगको अवस्था समुदायमा कस्तो छ, र यसबाट कति प्रभावित बनेका छन् यसको अध्ययन समिक्षा गर्ने दिन भएको बताउनु भयो ।
उहाँले झापा भरमा २५ सय भन्दा बढी क्षयरोगका विरामी रहेको बताउनु भयो ।
विगतको तुलनामा क्षयरोगका बिरामी बड्दै गएको उहाँको भनाइ छ । झापाका १५ पालिकाहरु मध्ये बिर्तामोड, मेचीनगर र दमक नगरपालिकामा क्षयरोगीको संख्या बढी रहेको बाराकोटीले बताउनु भयो ।
क्षयरोग स्वास प्रश्वासको माध्यबाट सर्ने भएकाले रोगलाई नलुकाई बेलैमा नियमित दवाईको सेवन गरेमा सजिलै निको हुने बिर्तामोड नगरपालिका स्वास्थ्य शाखाका क्षयरोग फोकल पर्सन दिपक सापकोटाले बताउनु भयो ।
आर्थिक वर्ष ७८/ ७९ मा १ सय ४१, ७९ /८० मा १ सय ३९ जना र ८०/८१ को तथ्याङअनुसार ९१ जना क्षयरोग विरामी रहको फोकल पर्सन सापकोटाले बताउनु भयो ।
गएको ५ बर्षमा पूर्णरुपमा क्षयरोग निर्मुलन गर्ने उदेश्यले नगरपालिकाले स्क्रिनिङको काम गर्दै आएको बताउनु भयो ।
हो हामी क्षयरोग अन्त्य गर्छौ भन्ने नाराका साथ २४ मार्चमा प्रत्येक वर्ष क्षयरोग विश्व लगायत नेपालमा मनाइदै आइएको छ ।
टिभी रोग भन्ने वितिकै धरै मानिसले लुकाउने गरेकाले यसको पूर्णनिर्मूल गर्न कठिन भएको बिर्तामोड नगरपालिकाका उप–प्रमुख संग्रौलाले बताउनु भयो ।
कार्यक्रममा बिर्तामोड नगरपालिकाका कर्मचारी लगायत वडाका जनप्रतिनिधी, मनमोहन मेमोरियल समुदायिक अस्पतालका स्वास्थ्यकर्मीहरुको बाक्लो उपस्थिती रहेको थियो ।
