झापा । बिर्तामोड नगरपालिका वडा नं. ३ मा वडा अध्यक्ष टोल स्तरीय फुटबल प्रतियोगिता हुने भएको छ ।
असोज ३ गते बाट सुरु भएर ६ गते समापन हुने खेल डोमालाल राजबंशि रंगशालामा हुने वडा खेलकुद विकास समितिका अध्यक्ष अनिस सुबेदिले आज आयोजित पत्रकार सम्मेलनमा बताए ।
वडामा रहेका ३२ वटा टोलबाट ८ वटा टिम सहभागी हुने प्रतियोगिताको तयारी पूरा भएको सुबेदिले बताए ।
सुबेदिको अध्यक्षतामा आयोजित पत्रकार सम्मेलनमा तीन नं। वार्डका वार्ड अध्यक्ष मदन बुढाथोकिको प्रमुख आतिथ्यता रहेको थियो ।
प्रतियोगितामा प्रथम हुने टिमले नगद १५ हजार सँगै ट्रफी र द्वितीय हुने टिमले नगद १० हजार सहित ट्रफी प्राप्त गर्ने समितिका सचिव बाप्पा शाहाले बताए ।
उनका अनुसार म्यान अफ दि म्याच, बेस्ट किपर र म्यान अफ दि सिरिजका लागि समेत पुरस्कारको ब्यवस्था गरिएको छ ।
पत्रकार सम्मेलनमा बिर्तामोड ३ का वार्ड सदस्य हरी बास्कोटा, वडा खेलकुद समितिका सदस्य सितल फागो ९लक्ष्मण ० लगायतको उपस्थित रहेको थियो ।
