बिर्तामोड खेलकुद विकास समितिको आयोजनामा हुने प्रथम अन्तरपालिका नकआउट महिला फुटबल प्रतियोगिता बिर्तामोड स्थित डोमालाल राजवंशी रङगशालामा हुने भएको छ ।
माघ २६ गतेबाट शुरु हुने प्रतियोगिताको तयारी अन्तिम चरणमा पुगेको बिर्तामोड नगर खेलकुद बिकास समितिका उपाध्यक्ष सन्तोश गुरुङले बताउनु भयो ।
उहाँले झापा भित्र रहेका १५ पालिका मध्ये १० पालिकाको सहभागीता रहने जानकारी दिनु भयो ।
भोलि २६ गतेको उद्घाटन खेल बिर्तामोड नगरपालिका र बुद्वशान्ति बिच हुने छ । उहाँले नगरपालिकाको टिममा बाहिरका खेलाडी ४ जना सम्म समावेश गर्न पाउने बताउनु भयो ।
भोलिको प्रतियोगिताको उद्घाटन प्रतिनिधि सभाका सम्माननीय सभामुख देवराज घिमिरेले गर्नुहुने बिर्तामोड खेलकुद बिकास समितिका अध्यक्ष बिकास गिरिले बताउनु भयो ।
उहाँले प्रतियोगितामा प्रवेश निशुल्क गरिएको बताउदै १० हजार अट्न सक्ने गरिको ब्यवस्थित प्याराफिट निर्माण सम्पन्न भइसकेको बताउनु भयो । प्रतियोगितामा प्रथम हुनेलाई ३ लाख नगद र ट्रफि र प्रमाणपत्र र दृतिय हुनेलाई पुरुस्कार १ लाख पचास हजार नगद सहित ट्रफि र प्रमाणपत्र रहेको छ ।
विशेष गरि महिला घर चुलो चौकामा मात्रै सिमित भएर बस्नु हुदैन खेलको माध्यमबाट आफ्नो प्रतिभा देश र समाजलाई देखाउनु र चिनाउनु पर्छ भन्दैबिर्तामोड नगरपालिकाकी नगर प्रमुख पवित्रा महतारा प्रसाई पहलमा टुनामेन्ट आयोजना हुन सम्भव भएको अघ्यक्ष गिरी बताउनु हुन्छ ।
महिला फुटवल प्रतियोगिता आयोजना गर्न ३४ लाख खर्च लाग्ने अनुमान गरिएको छ । प्रतियोगिता सञ्चालनका लागि प्याराफिट र मैदान तयार भइसकेको जनाइएको छ ।
प्रतियोगिता माघ २६ गतेदेखि फागुन ०५ गते सम्म डोमालाल राजबशी रंगशालामा हुनेछ ।
