बिर्तामोड –७ मा रहेको श्री लक्ष्मी आधारभुत विद्यालयलमा विद्यार्थीकाे चौतर्फी बिकास गर्ने उदेश्यले स्व.निता भेटवाल स्मृति छात्रवृति अक्षयकोष स्थापना गरिएको छ ।
बिर्तामोड १ निवासी हाल अमेरिकामा बसोबास गर्दै आउनु भएका दाता बिष्णुप्रसाद भेटवाल र बिष्णुमाया भेटवालकी स्व.छोरी निता भेटवालको सम्झनामा नगद रु १० लाखको अक्षयकोषको स्थापना गरिएको हो ।
कार्यक्रमका प्रमुख अतिथी समेत रहनु भएका बिर्तामोड वडा नम्वर ७ का वडाध्यक्ष कृष्ण अविरल खरेलकाे
उपस्थिीतिमा दाता भेटवालद्वयले चेक विद्यालय व्यवस्थापन समितिका अध्यक्ष मेदिनीप्रसाद न्यौपानेलाई हस्तान्तरण गर्नुभएको थियो ।
चेक हस्तान्तरण पछि सक्षिप्त प्रतिक्रिया दिदै बिष्णुप्रसाद भेटवालले वडा नम्वर ७ काे माटोसंग आफ्नो स्व. छारीको सम्झना जोडिएको बताउनु भयो ।
उहाँले पठन शिपकलामा श्री लक्ष्मी आधारभुत विद्यालयल उब्बल पाएकाले यसै विद्यालयलाई रोजेको बताउनु भयो ।
उहाँले कोषमा राखिएको रकमको ९० प्रतिशत विद्यार्थी र विद्यालयको बिकासमा खर्चिने र १० प्रतिशत कोषको रकम बढाउन सुरक्षित राख्ने बताउनु भयो ।
स्व.निता भेटवाल स्मृति छात्रवृति अक्षयकोषका संरक्षक समेत रहेका भेटवालले भविष्यमा पनि अन्य सहयोगका कार्यक्रम लिएर आउने प्रतिबद्वता व्यक्त गर्नुभयो ।
कार्यक्रमका बिच साबिक गरामनी क्षेत्र भित्र रहेका सामुदायिक तथा संस्थागत विद्यालयबाट हाजिरीजवाफ प्रतियोगितामा प्रथम हुने कक्षा ८ की सानिया खातुन, कक्षा ७ की सविना राजवशीं र कक्षा ७ का ललित तिम्सिनालाई प्रमुख अतिथी वडा नम्वर ७ का अध्यक्ष खरेलले सम्मान गर्नुभएको भएको थियो ।
हाजिरीजवाफ प्रतियोगितामा ७ वटा विद्यालयहरुको सहभागिता रहेको थियो ।
विद्यालय व्यवस्थापन समितिका अध्यक्ष न्यौपानेले विशाल हृदय बनाई प्रवासमा कमाएको पैसा नेपाली बालबालिकाको शिक्षामा अर्पण गर्नु भएकोमा दाताद्वय लाई विशेष धन्यवाद ज्ञापन गर्नुभयो ।
कार्यक्रमका प्रमुख अतिथी खरेलेले अक्षयकोषको साक्षी आफु पनि भएकाले यसको सहि सदुपयोग भए नभएको अवलोकन र निरिक्षण गर्ने बताउनु भयो ।
उहाँले विद्यालयको प्रशंसा गर्दै सबै शिक्षक शिक्षिकाहरु अब्बल रहेको बताउनु भयो ।
बिद्यालयले अतिरिक्त क्रियाकलापमा राम्रो प्रगति गर्न सफल भएको भएको भन्दै बधाई दिनुभयाे ।
उहाँले वडाले सकेसम्मको सहयोग गर्ने बताउनु भयो ।
दाताहरु भेटवालद्वयलाई मायाको चिनो प्रदान गर्दै विद्यालय व्यवस्थापन समितिका अध्यक्ष श्री मेदिनीप्रसाद मैनालीले क्षयकोषले विद्यालय सञ्चालन र बालबालिकाको शिक्षामा महत्वपूर्ण सहयोग पुग्ने बताउनु भयो ।
कार्यक्रममा विद्यालयका बिद्यार्थी र शिक्षकहरुले आर्कषक नृत्यद्वारा कार्यक्रमका शोभा बढाएका थिए ।
कार्यक्रममा वडा नम्वर ७ का वडा सदस्य मनकुमारी लिम्बु, हिमलता विश्कर्मा, समाजसेवी केशव कार्की, भरत बिमली, डम्बर बिमली, पत्रकार माधव विद्रोही , भरत प्रसाई, भुपू शिक्षक डिल्लीप्रसाद ओली, समाज सेवी श्याम पक्वाल, भिष्म शिवाकोटी लगायत अभिभावक, शिक्षक शिक्षिकाको बाक्लो उपस्थिती रहेको थियो ।
कार्यक्रमको सञ्चालन विद्यालयका शिक्षक केशव उप्रेतीले गर्नुभएको थियो ।
