बंगलादेशी वायुसेनाको प्रशिक्षण विमान राजधानी ढाकाको एक स्कूल/क्याम्पस परिसरमा दुर्घटनाग्रस्त हुँदा कम्तीमा १९ जनाको मृत्यु भएको छ भने १०० भन्दा बढी घाइते भएका छन्।
ढाकाको उत्तरी उपनगरमा रहेको माइलस्टोन स्कूल एण्ड कलेजमा भएको घटनास्थलको फुटेजमा ठूलो आगो र धुवाँको मुस्लो देखिएको छ।
सशस्त्र बलले आफ्नो एउटा विमान दुर्घटनामा परेको र पाइलटको मृत्यु भएको पुष्टि गरेको छ।
राष्ट्रिय जलन तथा प्लास्टिक सर्जरी संस्थानका एक डाक्टरले पत्रकारहरूलाई बताएअनुसार बालबालिका र वयस्कहरू सहित ५० भन्दा बढी मानिसहरूलाई अस्पताल लगिएको थियो। यीमध्ये १९ जनाको मृत्यु पुष्टि भएको बिबिसीले लेखेको छ।
