जल तथा मौसम विभागअन्तर्गतको बाढी पूर्वानुमान महाशाखाले आज देशभका विभिन्न जिल्लामा बाढी आउने ससम्भावना रहेको भन्दै सतर्क रहन आग्रह गरेको छ । महाशाखाले बुलेट जारी गर्दै देशभका विभिन्न ५५ जिल्ला भइ बहने नदी तथा खोलामा आकस्मिक बाढीको खतरा रहेको भन्दै अलर्ट रहन भनेको हो ।
आज इलाम, झापा, पाँचथर, सोलुखुम्बु, दोलखा, सिन्धुपाल्चोक, गोरखा, लमजुङ, कालिकोट, बाजुरा, बझाङ, दार्चुला, बैतडी, डोटी, डडेलधुरा, कैलाली, कञ्चनपुर र आसपासका जिल्ला भई बहने ससाना नदीको बहाब उल्लेख्य बढ्ने र आकस्मिक बाढीको मध्यम जोखिमको उच्च सम्भावना रहेको छ ।
त्यस्तै तेह्रथुम, धनकुटा, ताप्लेजुङ, सुनसरी, खोटाङ, ओखलढुंगा, उदयपुर, सिन्धुली, काभ्रेपलाञ्चोक, काठमाडौँ, ललितपुर, भक्तपुर, नुवाकोट, रसुवा, धादिङ, तनहुँ, कास्की, पर्वत, स्याङ्जा, चितवन, नवलपरासी–पूर्व, रुपन्देही, कपिलवस्तु, डोल्पा, पाल्पा, गुल्मी, बागलुङ, म्याग्दी र आसपासका जिल्ला भई बहने ससाना नदीको बहाब उल्लेख्य बढ्ने र आकस्मिक बाढीको मध्यम जोखिमको मध्यम सम्भावना देखिएको महाशाखाले जनाएको छ ।
