बिर्तामोड। नेपाल वितरक महासंघ, कोशी प्रदेशको अध्यक्षमा नविन तामाङ सर्वसम्मत चयन भएका छन्।
संस्थाको बिर्तामोडमा सम्पन्न दोस्रो वार्षिक साधारण सभा तथा अधिवेशनले तामाङको अध्यक्षतामा नयाँ कार्यसमिति गठन गरेको हो।
नवगठित कार्यसमितिमा वरिष्ठ उपाध्यक्षमा लालबहादुर कार्की, उपाध्यक्षमा शुभराज थापा, युवराज घिमिरे, महासचिवमा सन्तोषकुमार श्रेष्ठ कसजु, सचिवमा निर्मल खतिवडा, कोषाध्यक्षमा हिमाल श्रेष्ठ रहेका छन्। त्यस्तै सदस्यहरूमा सन्तोष भट्टराई, धुर्ब कनाल, एलिस खनाल, मन्टु रौनियार, कुमार बस्नेत, शम्भु आचार्य, रामराज भण्डारी, विपिन थापा र वद्री सेढाई चयन भएका छन्।
नयाँ कार्यसमिति चयन गर्न टंकप्रसाद खनाल संयोजक तथा कमल ढुंगाना र शिव खनाल सदस्य रहेको निर्वाचन समिति गठन गरिएको थियो।
साधारण सभामा संस्थाका तत्कालीन अध्यक्ष कृष्णराज श्रेष्ठको अध्यक्षता र महासंघका केन्द्रीय अध्यक्ष दुर्गाप्रसाद गौतमको प्रमुख आतिथ्य रहेको थियो।
कार्यक्रममा प्रदेश उपाध्यक्ष नविन तामाङले स्वागत मन्तव्य व्यक्त गरेका थिए।
सोही कार्यक्रममा केन्द्रीय सल्लाहकार टंकप्रसाद खनाल, केन्द्रीय महासचिव शिव खनाल, कार्यक्रम संयोजक सुरेश कुमार अग्रवाल भद्रपुरे, बिर्तामोड उद्योग वाणिज्य संघका अध्यक्ष राजु न्यौपानेलगायतले शुभकामना मन्तव्य दिएका थिए।
कार्यक्रम सफल बनाउन योगदान पुर्याउने संयोजक सुरेश अग्रवाल भद्रपुरेलगायतलाई सम्मान गरिएको थियो। कार्यक्रम महासचिव राजेश खनालले सञ्चालन गरेका थिए।
मेची डिस्ट्रीब्यूटर्स एशोसिएसन मेचीको आतिथ्यमा सम्पन्न अधिवेशनबारे सो एशोसिएसनका अध्यक्ष राजीव श्रेष्ठले जानकारी दिएका छन्।
साधारण सभाले कोशी प्रदेशमा वितरक व्यवसायीहरूले सामना गरिरहेका समस्या र समाधानका उपाय विषयमा छलफल गरी १३ बुँदे घोषणापत्र समेत जारी गरेको छ।
१३ बुँदे घोषणापत्र :
